ნარიყალა: ერთ-ერთი უძველესი ციხესიმაგრე, რომელიც თბილისსა და მდინარე მტკვარს გადაჰყურებს. აბანოთუბანი: თბილისის დაარსების ისტორია სწორედ ამ ადგილს და ბუნებრივად ცხელი, მინერალური წყლის აბანოებს უკავშირდება.

თბილისში, ავლაბარში მდებარე ტაძარი, რომელიც XIII საუკუნეში მეფე დემეტრე II თავდადებულმა ააშენა.

თბილისში, მთაწმინდაზე მდებარე უძველესი სამთო-საბაგირო რკინიგზის ზედა სადგური, რომელიც 1938 წელს აშენდა და 727 მეტრზე მდებარეობს.

უძველესი სავაჭრო უბანი თბილისში, რომელიც ძველი ქალაქის სავაჭრო ცენტრს წარმოადგენდა. შემორჩენილ ქარვასლათაგან უძველესი მე-17 საუკუნით თარიღდება.

მე-19 საუკუნეში გერმანელი არქიტექტორის თაოსნობით შექმნილი შენობა, რომელიც თბილისში მდებარეობს და დღეს ახალგაზრდობის სასახლეა.

1870-იან წლებში ნეოგოთიკური და კლასიცისტური დეტალებით აშენებული კათოლიკური ეკლესია თბილისში, დახვეწილი და გამორჩეული არქიტექტურით.

თბილისში, ავლაბარში მდებარე მე-19 საუკუნის სომხური არქიტექტურის ნიმუში, რომელიც სომეხი ლტოლვილების მიერ აშენებული ეკლესიის გაფართოების შედეგად შეიქმნა.

ახალგორში მდებარე ქსნის ერისთავების რეზიდენცია. არქიტექტურული ძეგლი აგებულია XVII საუკუნის პირველ ნახევარში.

ქართული სამშენებლო ხელოვნების ერთ-ერთი უნიკალური ძეგლი — კლდეზე შეფენილი სოფელი, რომელიც ერთდროულად საცხოვრებელიც იყო და ციხესიმაგრეც.

აღმოსავლეთ საქართველოში მდებარე შუა საუკუნეების ციხესიმაგრე, საიდანაც მნიშვნელოვანი სტრატეგიული გზა კონტროლდებოდა.

ქალაქ მცხეთაში მდებარე მთავარი საპატრიარქო საკათედრო ტაძარი, სადაც დაკრძალულია უფლის კვართი და წმ. ელია წინასწარმეტყველის მოსასხამი.

1030 წლით დათარიღებული ქართული, მართლმადიდებლური, ჯვარგუმბათოვანი ტაძარი კასპის მუნიციპალიტეტის სოფელ სამთავისში.

მცხეთის აღმოსავლეთით, კლდოვანი მთის წვერზე აღმართული ტაძარი, სადაც ქართული ასომთავრული დამწერლობის ერთ-ერთ უძველეს ნიმუშს შეხვდებით.

საქართველოს გვიანფეოდალური ხანის ერთ-ერთი უმნიშვნელოვანესი ძეგლი, რომელიც საკულტო, სამხედრო და საერო დანიშნულების ძეგლებს აერთიანებს.

ხუროთმოძღვრული კომპლექსი საქართველოში, ყაზბეგის მუნიციპალიტეტში, ზღვის დონიდან 2200 მეტრზე.

მდიდარი ქართველი მემამულის, ივანე მუხრანბატონის სასახლე სოფელ მუხრანში — აგებულია XIX საუკუნის მეორე ნახევარში.

ჭიათურის მუნიციპალიტეტის სოფელ კაცხში მდებარე მაცხოვრის შობის სახელობის ტაძარი, რომელიც ცნობილმა ქართველმა ფეოდალებმა, ბაღვაშებმა X-XI საუკუნეების მიჯნაზე ააშენეს.

ქუთაისთან მდებარე ტაძარი შუა საუკუნეების საქართველოს კულტურის ცენტრი იყო. გელათი უდიდესმა ქართველმა მეფემ, დავით აღმაშენებელმა ააგო, რომელიც მთავარ შესასვლელშია დაკრძალული.

ქუთაისის უდიდესი და უმთავრესი თეატრის შენობა, რომელიც 1955 წელს ოფიციალურად გაიხსნა. ის 16 წლის განმავლობაში შენდებოდა.

იმერეთში მდებარე უბისის სამონასტრო კომპლექსი, რომლის მშენებლობას IX საუკუნეში საფუძველი ჩაუყარა ცნობილმა მწიგნობარმა და საეკლესიო მოღვაწემ, გრიგოლ ხანძთელმა.

კირქვის 40-მეტრიანი და მრავალსაუკუნოვანი სვეტისებრი კლდე, რომელიც აერთიანებს როგორც უნიკალურ გეოლოგიურ ფორმაციას, ისე — ქრისტიანულ სალოცავს.

ეროვნული ხუროთმოძღვრების შედევრად მიჩნეული ეს ტაძარი ამბროლაურის მუნიციპალიტეტის სოფელ ნიკორწმინდაში მდებარეობს. აშენებულია 1010-1014 წლებში, ბაგრატ III-ის ბრძანებით.

შუასაუკუნეების ქართული საეკლესიო არქიტექტურის უმნიშვნელოვანესი ძეგლი ბაგრატ III-მ 1003 წელს ქუთაისში ააგებინა. ის ისტორიული და სიმბოლური მნიშვნელობითაც გამორჩეულია.

1895 წელს ეკლექტიზმის სტილში აგებული სინაგოგა საქართველოში არსებულ სინაგოგებს შორის სიდიდით მესამე ადგილს იკავებს და ონში მდებარეობს.

სამეგრელოს მთავრების, დადიანების ყოფილი რეზიდენცია, რომელიც დღეს ისტორიულ-არქიტექტურული მუზეუმია. მის ფონდებში 50 000-მდე ექსპონატია დაცული.

მაღალკლდოვან მთაზე მდებარე შუა საუკუნეების ციხესიმაგრე ჯავახეთში, სოფელ ხერთვისში. სტრატეგიული ადგილმდებარეობის გამო, ციხესიმაგრე ყოველთვის მნიშვნელოვან როლს ასრულებდა.

იგივე რომანოვების სასახლე — დიდი მთავრის, ნიკოლოზ რომანოვის საზაფხულო რეზიდენცია ლიკანში, აშენდა 1892-1895 წლებში.

მარტვილში მდებარე ადრეული შუა საუკუნეების ამ ქრისტიანულ ტაძარში მოღვაწეობდა არაერთი ცნობილი მწიგნობარი და ინახებოდა არაერთი უნიკალური ხელნაწერი.

უშგული: სვანეთში მდებარე უშგულის თემი ევროპაში ერთ-ერთ ყველაზე მაღალ დასახლებად მიიჩნევა — მისი სიმაღლე ზღვის დონიდან 2200 მეტრამდეა. ჩაჟაში: ჩაჟაში უშგულის თემის ერთ-ერთი სოფელია, რომელიც მუზეუმადაა ქცეული და მსოფლიო მემკვიდრეობის ძეგლთა ნუსხაშია შეყვანილი.

ბიჭვინთაში მდებარე X საუკუნის ეს ტაძარი, საქართველოს სხვა ძეგლებისაგან განსხვავებით, ბიზანტიური სტილის შენობას ჰგავს.

ბაროკოს სტილში შესრულებული სენაკის დრამატული თეატრის შენობა 1955–1959 წლებში აშენდა და რეგიონული კულტურის მნიშვნელოვან ნაწილს წარმოადგენს.

შუა საუკუნეების სამონასტრო კომპლექსი გურიაში, სოფელ შემოქმედში მდებარეობს. ის საუკუნეთა განმავლობაში იყო გურიის მთავრების, გურიელების საგვარეულო სამარხი.

XIII საუკუნის ეკლესია აჭარაში, სოფელ ყინჩაურში. სხალთის მთავარ ტაძარს ორი მხრიდან ერტყა კარიბჭე.

ბათუმში მდებარე არქიტექტურულად გამორჩეული ეს ეკლესია XIX საუკუნით თარიღდება. ერთხანს ის ერთადერთი მართლმადიდებლური ეკლესია იყო ბათუმში.

XIX საუკუნის მეცენატმა და მეწარმემ, სტეფანე ზუბალაშვილმა მხატვრები და არქიტექტორები იტალიიდან მიიწვია, რათა დედის ხსოვნისთვის ასეთი ეკლესია მიეძღვნა.

წუნდის წმინდა იოანე ნათლისმცემლის ეკლესია ყოფილი საეპისკოპოსო საკათედრო ტაძარია, რომელიც XII–XIII საუკუნეებში ტერასებით გარშემორტყმულ კლდოვან ბაქანზეა აგებული.

ახალციხეში მდებარე მრავალფენოვანი ციხესიმაგრე, სადაც ერთად თანაარსებობს ქრისტიანული ტაძარი და მეჩეთი.

ქართული სახელმწიფოებრიობის აკვანი ქვემო ქართლში, სადაც აღმოჩენილია ჰომინიდების უძველესი ნაშთები და შუა საუკუნეების ქალაქური სტრუქტურა.

გორის მუნიციპალიტეტში მდებარე კლდეში გამოკვეთილი ქალაქი, რომელიც სავაჭრო გზის პირას მდებარეობდა და საუკუნეების განმავლობაში რელიგიურ თუ სავაჭრო კერას წარმოადგენდა.

სამცხე-ჯავახეთში მდებარე შუა საუკუნეების ქართული მონასტერი, რომელიც სამცხის მფლობელ ჯაყელთა ერთ-ერთი რეზიდენცია იყო. დაარსებულია არაუგვიანეს X საუკუნისა.

V საუკუნის ბაზილიკა ბოლნისში, ქართული წარწერის უძველესი ნიმუშითა და ადრექრისტიანული ხუროთმოძღვრების გამოკვეთილი იდენტობით.

კლდოვან გორაკზე გაშენებული უძველესი ციხესიმაგრე, რომელიც საუკუნეების განმავლობაში იცავდა შიდა ქართლს.

ქართული მართლმადიდებლური საკათედრო ტაძარი მანგლისში, ეროვნული მნიშვნელობის კულტურის უძრავი ძეგლი.

შიდა ქართლის ხეობაში შეფენილი გუმბათოვანი ტაძარი აგებულია 1172 წელს. მას განსაკუთრებული ადგილი უჭირავს ქართული ხუროთმოძღვრების ისტორიაში.

კახეთში მდებარე ერთ-ერთი უძველესი საეკლესიო კომპლექსი, რომელიც ტყით შემოსილ ფერდობზე მდებარეობს მოიცავს IV საუკუნიდან მოყოლებული სხვადასხვა პერიოდის ნაგებობებს.

1811 წელს ვაშლოვანში კოშკი არა საბრძოლო, არამედ გასართობი დანიშნულებით ააშენეს; სახელიც შესაბამისი ეწოდა — „სალხინო“

ქართული ხუროთმოძღვრების ძეგლი სოფელ გრემის სამხრეთით, მაღალ გორაკზე მდებარეობს. ის 1565 წელს ააგო კახთა მეფე ლევანმა.

კახეთში მდებარე ისტორიული ციხე-ქალაქი, რომლის შემადგენლობაშიც შედის: შიდა ციხე, ქვედა ციხე, გალავანი, სასახლე, დარბაზული ეკლესია და გუმბათოვანი ეკლესია.

VIII-IX საუკუნეების ქართული ხუროთმოძღვრების უმნიშვნელოვანესი ძეგლი და ერთადერთი ორგუმბათიანი ტაძარი საქართველოში.

ერთ-ერთი უდიდესი საეკლესიო ნაგებობა საქართველოში, რომლის სიმაღლე 50 მეტრს აღემატება. მდებარეობს კახეთში.

წინანდლის სამუზეუმო კომპლექსი — ალექსანდრე ჭავჭავაძის სახლ-მუზეუმი, წინანდლის ულამაზესი ბაღი და მე-19 საუკუნის უნიკალური ღვინის მარანი.

ელიას მონასტერი მდებარეობს კახეთში, ორმწვერვალიან კირქვის მთაზე, სადაც ტაძარი მე-6 საუკუნიდან არსებობს.

ქართული ხუროთმოძღვრების ძეგლი, რომელიც VI საუკუნიდან მოყოლებული ქართული სულიერების ერთ-ერთ უმნიშვნელოვანეს კერას წარმოადგენს.

შენობა 1975 წელს აშენდა და მისი ორიგინალური ფორმით, მრავალი სტანდარტული კლიშე დაამსხვრია გვიანდელ საბჭოთა არქიტექტურაზე.

კლდეში ნაკვეთი ქალაქი, XII-XIII საუკუნეების ქართული მხატვრული კულტურის ძეგლი.

მნიშვნელოვანი ქართული ციხე-ქალაქი დასავლეთ საქართველოში, სამეგრელოში.