ციცი იაშვილის გასართობ ინდუსტრიაში მუშაობის გამოცდილება უკვე 20 წელს ითვლის. მის სახელთან არის დაკავშირებული არაერთი მასშტაბური არტისტის ჩამოყვანა, ჯერ კიდევ მაშინ, როდესაც საქართველოში მუსიკალური ინდუსტრია ჯერ კიდევ პირველ ნაბიჯებს დგამდა. სანამ Black Sea Arena-ს პროექტების ხელმძღვანელი გახდებოდა ქვეყნის არაერთი მნიშვნელოვანი ფესტივალისა თუ ღონისძიების სულისჩამდგმელი იყო, რომლებიც საქართველოში პირველად განხორციელდა და ერთგვარ რევოლუციურ ხასიათს ატარებდა. ციცი იაშვილი Black Sea Arena-ს პროექტების ხელმძღვანელად 2019 წელს დაინიშნა და Starring Georgia-ს პროექტის ერთ-ერთი მთავარი ინიციატორი გახდა 2023 წელს. ციცი იაშვილის სახელთან არის დაკავშირებული Starring Georgia-ს ეკოსისტემის სხვა მნიშვნელოვანი პროექტების ინიცირებაც, როგორებიცაა: სოციალური სივრცე, ჰორიზონტი და ჰეკატეს ბაღი.